Tere Bin Bata Main Kese Ye Zindagi Jee Paungaal

Tere Bin Bata Main Kese Ye Zindagi Jee Paunga?
Dharkan hai Tu Mere Dil ki Tujh bin Mar jaunga

Khushi Meri Chheen ke kehti ho Hamesha Hasna
Ek wajah bata de ab kis liye Mai Muskuraunga?

Kehte hain Log Mujh ko k Zindagi ek Jannat si hai
Tujh bin ye Jahannum hai her bar ye Dohraunga

Mat Chhor Muje Tanha Tujhe apne Pyaar ki Qasam
Akele hi zindagi ka Bojh bata kese Main Uthaunga?

Thora Yaqeen ker Mera aur Thora Mujh per Aitbaar ker
Saath Tera hoga to Yaqeenan is Dunya ko Haraunga

Sirf Ashqon se Mere ab jalta hai Diya Chirag ka
Tu agar Juda hogai to Aansoo mai sabko Bahaunga

Chaand hai Tu Mera Tu ne Zindagi ko Roshni di hai
Ahmad kehta hai Tujh bin Andheron main Ghoom ho jaunga