Terii baatain hii Sunaane aaye
Dost bhii dil hii dukhaane aaye
Phool khilte hain to ham sochte hain
Tere aane ke zamaane aaye
Aisi kuchh chup sii lagii hai jaise
Ham tujhe haal sunaane aaye
Ishq tanhaa hai Sar-e-Manzil-e-Gham
Kaun ye bojh uthaane aaye
Ajanbi dost hamen dekh ke ham
Kuch tujhe yaad dilaane aaye
Dil DhaRaktaa hai safar ke hangaam
Kaash phir ko’ii bulaane aaye
Aub to rone se bhii dil dukhtaa hai
Shaayad ab hosh Thikaane aaye
Kyaa kahiin phir koi bastii ujri
Log kyuun jashn manaane aaye
So raho maut ke pahluu main “Faraz”
Neend kis waqt na jaane aaye